Ўзбекистон, Тошкент - Batafsil.uz. Фожеа 10 март куни Панжоб штатининг Зиракпур шаҳрида юз берган. Ўзбекистоннинг Ҳиндистондаги элчихонаси Панжоб штатида юз берган йўл-транспорт ҳодисасида вафот этган фуқаронинг жасадини Ўзбекистонга юборишда амалий ёрдам кўрсатди.
Ҳодиса шахсий транспорт воситаси иштирокида содир бўлган. Панжоб штати ҳуқуқни муҳофаза қилиш органлари айбдорларни аниқлаш мақсадида тергов-суриштирув ишларини олиб бормоқда.
Дипломатик ваколатхона марҳуманинг яқинларига ҳамдардлик билдириб, улар билан доимий алоқа ўрнатган. Ҳозирда тергов жараёни элчихона назоратига олинган ва марҳуманинг оиласига зарур консуллик-ҳуқуқий ёрдам кўрсатилмоқда.
Ўзбекистон элчихонаси Ҳиндистон ҳудудида мураккаб вазиятга тушиб қолган ватандошларни ҳимоя қилиш устувор вазифа эканини таъкидлаб, фуқароларга тезкор ёрдам кўрсатишга тайёрлигини билдирган.
Айнан 10 март куни Нью-Йорк шаҳрида содир бўлган йўл-транспорт ҳодисаси оқибатида ҳам 31 ёшли Ўзбекистон фуқароси Нилуфар Комилова вафот этганди.
Изоҳлар мавжуд емас