Ўзбекистон, Тошкент - Batafsil.uz. Россиянинг энг йирик нефт компанияларидан бири — "Лукоил" АҚШ ва Европа Иттифоқи томонидан жорий этилган янги санкциялар туфайли ўзининг хориждаги активларини сотиш жараёнини бошлаб юборди.
Компания 27-октабр куни эълон қилган баёнотида бу қарорни "баъзи давлатлар томонидан жорий этилган чеклов чораларига" жавобан қабул қилинганини маълум қилди. Шунингдек, "Лукоил" потенциал харидорлардан таклифларни қабул қилишни бошлаганини билдирди.
Мазкур жараён АҚШ Молия вазирлигининг ОFAC (Office of Foreign Assets Control) томонидан берилган лицензия доирасида амалга оширилмоқда. Ушбу ҳужжат компанияга халқаро фаолиятини босқичма-босқич тўхтатишга рухсат беради. Зарурат туғилганда, "Лукоил" бу рухсат муддатини узайтириш учун яна мурожаат қилиши мумкин.
Маълумот учун, 22-октабр куни АҚШ Молия вазирлиги "Роснефт" ва "Лукоил"ни, шунингдек уларнинг 30 дан ортиқ шуъба корхоналарини SDN (Specially Designated Nationals) рўйхатига киритган эди. Ушбу компаниялар Россияда нефт қазиб олишнинг 60 фоизини, шунингдек ички ёқилғи ишлаб чиқариш ҳажмининг қарийб 65 фоизини таъминлайди.
Шу куни Европа Иттифоқи ҳам Россияга қарши 19-пакет санкцияларни тасдиқлади. Янги чекловларга кўра, 2027-йил январидан бошлаб Европа ҳудудига Россия суюлтирилган табиий гази импорти тўлиқ тақиқланади.
Эслатиб ўтамиз, аввалроқ Ўзбекистон Марказий банки раиси ўринбосари Тимур Ишметов Россия нефт компанияларига қарши янги санкциялар республика иқтисодига қандай таъсир кўрсатиши мумкинлиги ҳақида изоҳ берган эди. Унга кўра, Ўзбекистон ва Россия ўртасидаги энергетика ҳамкорлиги "барқарор ва ўзаро манфаатли" тарзда давом этмоқда.
Компания 27-октабр куни эълон қилган баёнотида бу қарорни "баъзи давлатлар томонидан жорий этилган чеклов чораларига" жавобан қабул қилинганини маълум қилди. Шунингдек, "Лукоил" потенциал харидорлардан таклифларни қабул қилишни бошлаганини билдирди.
Мазкур жараён АҚШ Молия вазирлигининг ОFAC (Office of Foreign Assets Control) томонидан берилган лицензия доирасида амалга оширилмоқда. Ушбу ҳужжат компанияга халқаро фаолиятини босқичма-босқич тўхтатишга рухсат беради. Зарурат туғилганда, "Лукоил" бу рухсат муддатини узайтириш учун яна мурожаат қилиши мумкин.
Маълумот учун, 22-октабр куни АҚШ Молия вазирлиги "Роснефт" ва "Лукоил"ни, шунингдек уларнинг 30 дан ортиқ шуъба корхоналарини SDN (Specially Designated Nationals) рўйхатига киритган эди. Ушбу компаниялар Россияда нефт қазиб олишнинг 60 фоизини, шунингдек ички ёқилғи ишлаб чиқариш ҳажмининг қарийб 65 фоизини таъминлайди.
Шу куни Европа Иттифоқи ҳам Россияга қарши 19-пакет санкцияларни тасдиқлади. Янги чекловларга кўра, 2027-йил январидан бошлаб Европа ҳудудига Россия суюлтирилган табиий гази импорти тўлиқ тақиқланади.
Эслатиб ўтамиз, аввалроқ Ўзбекистон Марказий банки раиси ўринбосари Тимур Ишметов Россия нефт компанияларига қарши янги санкциялар республика иқтисодига қандай таъсир кўрсатиши мумкинлиги ҳақида изоҳ берган эди. Унга кўра, Ўзбекистон ва Россия ўртасидаги энергетика ҳамкорлиги "барқарор ва ўзаро манфаатли" тарзда давом этмоқда.
Изоҳлар мавжуд емас