Ўзбекистон, Тошкент - Batafsil.uz. Жорий йилнинг тахминан 11 ноябрь куни Россия Федерацияси Хавфсизлик кенгаши котиби Сергей Шойгуга суиқасд тайёрланаётгани ҳақида маълумот пайдо бўлди. Москвадаги Троекуров қабристонида амалга оширилиши кўзда тутилган суиқасд режаси фош этилган ва унинг олди ўз вақтида олинган.
Тергов доирасида бир неча шахслар, жумладан, эр ва хотини ҳамда Марказий Осиёдан келган мигрант ҳибсга олинган. Хавфсизлик хизмати тарқатган видеоларда гумондорлар интернетда танишган “Руслан” исмли шахс топшириғига амал қилганини айтишган. У қабрга гулдонда гул олиб бориб, қўйишни буюрган. Маълумотларга кўра, гулдон ичида камера ва эҳтимолий портловчи қурилма бўлган. Топшириқни бажариш эвазига уларга метадон ваъда қилинган. Жуфтлик уйига қайтаётганда қўлга олинган.
Троекуров қабристонида Сергей Шойгунинг ота ва онаси дафн этилган. Унинг онаси 12 ноябрь куни вафот этган ва айнан шу куни унинг қабри зиерат қилиши кутилган. Шунингдек, 2021 йилда вафот этган Шойгунинг опаси Лариса Шойгу ҳам шу ерда дафн этилган.
Хавфсизлик хизмати хабар тарқатган куни ТАСС қабристонда хавфсизлик чоралари кучайтирилганини маълум қилган: металл қидирув рамкалари ўрнатилган, кучайтирилган полиция нарядлари навбатчилик қилган ва ташриф буюрувчиларнинг сумкалари текширилган.
Изоҳлар мавжуд емас