Ўзбекистон, Тошкент - Batafsil.uz. Ўзбекистонда 2025 йил якуни бўйича олтин қазиб олиш ҳажми 118 тоннани ташкил этади. Бу мамлакат ўтган йили ишлаб чиқарганидан 11 тоннага кам.
"2016 йилда Ўзбекистонда олтин қазиб олиш ҳажми 86 тоннани ташкил этган бўлса, 2025 йил якунида мамлакат 118 тоннага чиқади. Бу 37 фоизга ўсиш дегани", - деди Шавкат Мирзиёев 15 сентябрь куни Бўстонлиқ туманида педагоглар билан учрашувда.
Давлатимиз раҳбарининг таъкидлашича, сўнгги йилларда геология-қидирув ишларига янги технологиялар жорий этилгани натижасида ишлаб чиқариш ҳажми ошган. Шу тўққиз йил ичида уран қазиб олиш ҳажми икки бараварга ошган.
Аввалроқ Ўзбекистон ўтган йили қимматбаҳо металлар ишлаб чиқариш бўйича дунёда ўнинчи ўринга чиққани ҳақида хабар берилганди. Бутунжаҳон олтин кенгаши маълумотларига кўра, 2024 йилда республика 129,1 тонна қазиб олган. Бу ўтган йилга нисбатан 9,5 фоизга кўп - ўшанда ишлаб чиқариш 119,6 тоннани ташкил этганди.
Бу эса жорий йилда олтин қазиб олиш ҳажми ўтган йилга нисбатан 11 тоннага, 2023 йилга нисбатан эса 1 тоннага камаяди, дейишга асос бўлади.
Изоҳлар мавжуд емас