Ўзбекистон, Тошкент - Batafsil.uz. Истанбулдаги намойишларда ўзбекистонликларга одамлар гавжум жойларга бормаслик тавсия қилинди. Туркия ҳукумати шаҳарнинг олтита туманида, жумладан, Ўзбекистон бош консуллиги жойлашган Бешиктош туманида 11 сентябргача оммавий тадбирларни ўтказишга вақтинчалик тақиқ жорий қилди.
"Фуқароларимизга одамлар гавжум жойлардан узоқроқ юриш, намойиш ўтказилаётган ҳудудларга яқинлашмаслик, маҳаллий қонунчиликка қатъий риоя қилиш тавсия этилади", - дейилади Ўзбекистон бош консулхонаси хабарида.
Қайд этилишича, Туркия ҳукумати хорижий мессенжерлар фаолиятини чеклаган. Фавқулодда ҳолатлар учун дипломатик ваколатхонанинг алоқа телефон рақами тақдим этилган: +90 (212) 909 08 04.
Туркиянинг Hurriyet газетасининг ёзишича, Истанбулда норозилик намойишлари 8 сентябрь, душанба куни мухолифатдаги Халқ-республика партияси идораси ёнида бошланган. Бунга унинг раҳбарияти вазифасидан четлатилгани ва бошқарувнинг муваққат кенгашга ўтказилгани сабаб бўлган. Тез орада бу ҳаракатлар оммавий тартибсизликлар ва полиция билан тўқнашувларга айланиб кетди.
Айни пайтда Непалда ҳам расмийлар томонидан Ғарб ижтимоий тармоқларининг блокланиши фонида юзага келган оммавий норозилик намойишлари катта тартибсизликларга айланиб, одамларнинг қурбон бўлишига олиб келди. Шундай қилиб, ёшлардан иборат намойишчилар тўдаси 75 ёшли собиқ бош вазир Жал Натҳ Кханалнинг қароргоҳига ўт қўйди. Натижада унинг рафиқаси Ражялакшми Читракар ўпкаси ҳаёт билан мос келмайдиган даражада куйиб, касалхонада вафот этган.
Изоҳлар мавжуд емас