Ўзбекистон, Тошкент - Batafsil.uz. Тошкентда яшовчи фуқаро подъездга кираверишда аёлга жинсий тегажоғлик қилгани учун беш суткага қамалди. Ўзбекистонда бундай ҳуқуқбузарликлар учун жазонинг "оғирлиги" аллақачон универсал хусусият касб этган.
Зўравонликка қарши "Nemolchi.uz" лойиҳаси муаллифлари мавзуни яна кўтаришди.
Ҳодиса 8 сентябрь куни содир бўлган. Аёл уйига қайтаётганда, 19 ёшли йигит унинг ортидан подъезга кириб борган. У аёлдан телефон рақамини сўрай бошлагшан, аёл танишишни истамаслигини айтганда эса, унга тегажоғлик қилган.
Ушбу иш бўйича суд мажлиси эртаси куни, 9 сентябрь куни Жиноят ишлари бўйича Мирзо Улуғбек туман судида бўлиб ўтди. Судда йигит ўз ҳаракатларини назорат қила олмаганини, аёл бақирганида қўрқиб кетганини ва подъезддан югуриб чиққанини айтди.
Судланувчи ўз айбини тан олиб, суддан жазони енгиллаштиришни сўради. Унга нисбатан 41-1-модда (Шаҳвоний шилқимлик) бўйича беш сутка маъмурий қамоқ жазоси тайинланди.
"Аёл унинг устидан ариза ёзгани ва айбдор жазосини олгани яхши бўлди. Бундай ҳолатларни ҳар доим судга етказиш керак, токи "ўз ҳаракатларини назорат қила олмайдиган" эркаклар билсин: қонун аёллар томонида, уларга нисбатан ҳеч ким ҳеч қандай зўравонлик ишлатишга ҳақли эмас", - дея хулоса қилади "Nemolchi.uz" муаллифлари.
Аввалроқ Учтепа тумани суди Onix ҳайдовчисини йўловчига тегажоғлик қилгани учун беш суткага маъмурий қамоқ жазосига ҳукм қилганди.
Изоҳлар мавжуд емас