Ўзбекистон, Тошкент - Batafsil.uz. Ўзбекистон терма жамоаси Осиё футбол конфедерацияси саралаш босқичи натижаларига кўра, А гуруҳида иккинчи ўринни эгаллаб, жаҳон чемпионатига чиқди.
Кеча ўз майдонида Қатар терма жамоасини мағлуб этган Ўзбекистон 21 очкони қўлга киритди. Шу куни Эрон КХДРни мағлуб этиб, 23 очко билан гуруҳда биринчи ўринни эгаллади. Ҳар иккала жамоа ҳам ЖЧ-2026 йўлланмасини қўлга киритди.
Ундан кейинги ўринларни мос равишда 15 ва 13 очкога тўплаган БАА ва Қатар эгаллаб турибди. Улар саралашнинг тўртинчи босқичида иштирок этишади. Қирғизистон 8 очко ва Шимолий Корея 3 очко билан гуруҳда 5-6-ўринларни эгаллаб турибди.
Ўзбекистон терма жамоаси 10 июнь куни 2026 йилги жаҳон чемпионати саралашининг учинчи босқичи доирасида Қатарни 3:0 ҳисобида мағлуб этди. Ўйин пойтахтимиздаги "Бунёдкор" стадионида бўлиб ўтди. Ўзбекистон президенти Шавкат Мирзиёев, Словакия бош вазири Роберт Фицо ва Болгария етакчиси Румен Радев ўйинни кузатиб борди. Ғалабали ўйиндан сўнг футболчиларга давлат раҳбари совғаси - BYD автомобилларининг калитлари ҳамда давлат мукофотлари топширилди.
Изоҳлар мавжуд емас