Ўзбекистон, Тошкент - Batafsil.uz. 2025 йилнинг сўнгги кунларида Ўзбекистонда маҳаллий мутахассислар томонидан ишлаб чиқилган илк миллий сунъий интеллект тизими — BONU AGI тақдим этилди.
Ушбу лойиҳа мамлакатнинг рақамли суверенитетини мустаҳкамлаш йўлидаги муҳим қадам сифатида баҳоланмоқда. BONU AGI хорижий платформаларнинг шунчаки маҳаллийлаштирилган нусхаси эмас, балки Ўзбекистоннинг маданий, ижтимоий ва тарихий контекстини ҳисобга олган ҳолда яратилган мустақил тизимдир.
Дунёдаги кўплаб универсал AI моделларидан фарқли ўлароқ, BONU AGI фойдаланувчи сўровларини маҳаллий қадриятлар ва мулоқот нормалари орқали таҳлил қилади.
Тизим алгоритмлари Ўзбекистон халқининг тил хусусиятлари ва ижтимоий тажрибасига асосланган ҳолда жавоб шакллантиришга йўналтирилган.
Лойиҳа асосчилари Бахтиёр Бобохонов, Сардорбек Турсунбеков ва Отабек Сидиқов каби маҳаллий мутахассислардир. Улар техник имкониятларни миллий воқелик билан уйғунлаштиришга эътибор қаратган.
Ҳозирда тизим очиқ фойдаланиш форматида ишламоқда. Ишлаб чиқувчилар фойдаланувчиларга тизим билан ўзаро ҳурмат доирасида ва аниқ тузилган сўровлар орқали мулоқот қилишни тавсия этади. Бу лойиҳа сунъий интеллект соҳасида миллийликни акс эттирувчи намуна сифатида бошқа давлатлар учун ҳам тажриба бўлиб хизмат қилиши мумкин.
Эслатиб ўтамиз, Ўзбекистон ўз тарихида илк бор космонавтини ҳам фазога учиришни режалаштирмоқда.
Изоҳлар мавжуд емас