Ўзбекистон, Тошкент - Batafsil.uz. Филиппинда 6,9 магнитудали кучли зилзила марказий Себу провинциясини ларзага келтирди. Зилзила эпимаркази Бого шаҳридан 17 километр шимоли-шарқда жойлашган. Зарар кўрган ҳудудларда фавқулодда ҳолат эълон қилинди.
Сўнгги маълумотларга кўра, камида 69 киши табиий офат қурбони бўлган, ўнлаб аҳоли жароҳатланган. Қутқарувчилар вайроналарни демонтаж қилиш ва омон қолганларни қидиришда давом этмоқда. Расмийлар қурбонлар сони кўпайиши мумкинлигидан огоҳлантирмоқда.
Зилзила ўнлаб биноларни вайрон қилган, йўллар ва кўприкларга зарар етказган, транспорт алоқасини бузган, шунингдек, электр таъминотида узилишларга олиб келган. Себу губернатори Памела Барикуатро вайронагарчиликнинг тўлиқ манзараси фақат кун давомида маълум бўлишини таъкидлади:
"Ҳаммаси биз ўйлагандан ҳам ёмонроқ бўлиши мумкин", деди у.
Табиий офат ҳудудларида гуманитар ёрдам етказиш аллақачон бошланган, қидирув-қутқарув ишлари давом этмоқда, расмийлар аҳолини эҳтиёт бўлишга чақирмоқда.
Изоҳлар мавжуд емас