Ўзбекистон, Тошкент – Batafsil.uz. Пойтахтда соғлиқ учун хавфли деб топилган 3,2 миллиондан ортиқ дори воситалари йўқ қилиниши белгиланган. Улар орасида илгари камида 68 боланинг ўлимига сабаб бўлган "Док-1 Макс" сиропи ҳам бор.
Quramax Medical ва божхона омборларида сақланаётган дори воситаларини йўқ қилиш Тошкент шаҳар судининг қарори билан ҳуқуқни муҳофаза қилувчи органлар, санитария хизмати, экологлар ҳамда мустақил экспертлар иштирокида амалга оширилади.
Йўқ қилинадиган дори воситалари орасида 800 мингдан ортиқ қути "Док-1 Макс" таблеткалари ва 100 мингдан ортиқ шу номдаги сироп, 2,2 миллион қути таблеткалар ва 57 мингга яқин "Амбронол" сиропи бор. Барча дори воситалари экология ва атроф-муҳитга зарар етказмаслиги учун махсус печларда ёқилади.
Эслатиб ўтамиз, Тошкент шаҳар судининг апелляция инстанцияси ушбу ишнинг асосий иштирокчиларидан бири бўлган Фармагентликнинг собиқ раҳбари Сардор Кариевга нисбатан чиқарилган ҳукмни ўзгаришсиз қолдирганди. У, унинг ўринбосарлари ва Quramax компаниясининг собиқ директори ҳалок бўлган ва жабрланган болаларнинг оилаларига 75,6 миллиард сўм тўлаши керак, шундан 2,5 миллиардини Мунира Қориева олган.
Изоҳлар мавжуд емас