Ўзбекистон, Тошкент - Batafsil.uz. Пойтахтнинг Мирзо Улуғбек туманида хизматдан ташқарида бўлган профилактика инспектори ҳушидан кетган эркакка биринчи тиббий ёрдам кўрсатиб, унинг ҳаётини сақлаб қолган.
Ҳодиса 13 сентябрь куни Паркент кўчасида, овқатланиш шохобчаларидан бири ёнида содир бўлган. Эркак аҳволи тўсатдан ёмонлашган ва у ҳушини йўқотган.
Шу пайт яқин атрофда бўлган лейтенант Абзалжон Кабиров зудлик билан биринчи ёрдам кўрсатан: беморни хавфсиз бўлган ҳолатда ётқизиб, ҳушига келтиришга муваффақ бўлган.
Бир неча дақиқадан сўнг воқеа жойига тез ёрдам машинаси етиб келган. Шифокорлар эркакка эпилепсия ташхисини қўйишган.
Изоҳлар мавжуд емас