Ўзбекистон, Тошкент – Batafsil.uz. Ҳуқуқ-тартибот идоралари ходимлари Хоразмда ППХ инспектори "Cobalt"нинг олд ойнасини синдираётгани акс этган видеога изоҳ берди. Инспекторнинг хатти-ҳаракатлари ҳайдовчининг ҳокимият вакили қонуний талабларига бир неча бор бўйсунмагани билан изоҳланди.
Ҳодиса 9 сентябрь куни содир бўлган. "Чолиш" назорат-ўтказиш пунктида ППХ инспектори Қорақалпоғистондан Хоразм вилоятига кириб келаётган машина ҳайдовчисига тўхташ ишорасини берган. Бироқ у бўйсунмай, ҳаракатни давом эттирган.
Пост навбатчиси ҳуқуқбузар борган Урганч туманида хизмат олиб бораётган ППХ инспекторларига хабар берган. У ерда уни яна тўхтатишга уринганлар: инспектор ҳужжатларни кўрсатишни талаб қилган, аммо ҳайдовчи эшикларни ёпиб, яна газни босган.
Ҳаракатни тўхтатиш учун инспектор радиостанция ёрдамида олд ойнани синдирган. Шунга қарамай, ҳайдовчи бўйсунмасдан йўлда давом этган. Уни бошқа чорраҳада ушлашга муваффақ бўлишган.
Маълумотларга кўра, машинани Қорақалпоғистоннинг Беруний туманида яшовчи 22 ёшли йигит бошқариб келаётган. У отасининг машинасини ҳайдовчилик гувоҳномасисиз ҳайдаган. Шунингдек, автомобилда икки ойдан ортиқ вақт давомида тўланмаган кўплаб қоидабузарликлар учун жарималар мавжудлиги аниқланган.
Ҳолат юзасидан маъмурий баённома расмийлаштирилиб, автомобиль жарима майдонига жойлаштирилган.
Эслатиб ўтамиз, бугун, 12 сентябрь куни Тошкентнинг Чилонзор туманида Spark ва ЙПХ хизмат автомобили ўртасида ЙТҲ содир бўлди. Ташаббускор ҳайдовчилик гувоҳномасига эга бўлмаган 16 ёшли йигит бўлиб чиқди.
Изоҳлар мавжуд емас