Ўзбекистон, Тошкент - Batafsil.uz. Ўзбекистон фуқароси Камчаткада мигрантларнинг Россия ҳудудида ноқонуний бўлишини ташкил этгани учун судланди. У икки йил давомида Россия Федерациясида қолишни истаган ватандошлари учун сохта ҳужжатлар тайёрлаган.
Ҳужжатлар мигрантларга мамлакат ҳудудида белгиланган муддатдан ортиқ ноқонуний бўлиш имконини берган. Унинг яшаш жойидаги хуфия жойдан чет эл фуқароларини легаллаштириш учун мўлжалланган ҳужжатлар бланкалари олинган.
Аввалроқ Россия ФХХ ходимлари уни Москвада қўлга олиб, Камчаткага олиб кетишганди. Тергов маълумотларига кўра, ўзбекистонлик шериги билан тил бириктириб ҳаракат қилган. У Москвадаги почта бўлимларидан ўз ҳамшаҳарларининг паспортларини олиб, уларга чегарадан ўтганлик тўғрисида сохта муҳрлар босган ва қалбаки миграция карталарини тайёрлаган. Кейин ҳужжатларни Петропавловск-Камчатскийга жўнатган, у ерда шерик ҳужжатларни эгаларига қайтарган.
Жиноий схема 2022 йил июлидан 2024 йил июнигача ишлаган. Унинг жиноий шериги аллақачон бир йилга озодликдан маҳрум этилган ва кейинчалик Россиядан чиқариб юборилган.
Петропавловск-Камчатский шаҳар суди эркакнинг айбини тўлиқ тан олганини ва пушаймонлигини ҳисобга олган. Унга 1 йил 2 ой муддатга озодликдан маҳрум қилиш жазоси тайинланиб, жазони умумий тартибли колонияда ўташ белгиланган.
Ҳукм ҳозирча кучга кирмаган.
Аввалроқ Россиянинг Петропавловск-Камчатский шаҳрида яшовчи 33 ёшли ишсиз фуқаро 72 нафар Ўзбекистон фуқаросини ноқонуний равишда ўз квартирасига рўйхатдан ўтказган эди. Шу билан бирга, у уларнинг яшаши учун ҳақиқий уй-жой тақдим эта олмаган.
Изоҳлар мавжуд емас