Ўзбекистон, Тошкент - Batafsil.uz. Самарқанд вилоятиTracker-2 автомобилини бошқариб кетаётган аёл пиёдалар ўтиш жойидан ўтаётган болани уриб юборди ва воқеа жойидан яширинди.
Вилоят ИИБ ЙҲХБ матбуот хизматининг маълум қилишича, қоидабузар тез орада аниқланиб, жавобгарликка тортилган. Унга нисбатан "Йўл-транспорт ҳодисаси содир бўлган жойдан кетиб қолиш" моддаси билан маъмурий баённома расмийлаштирилган.
Ҳодиса А-378 автомобиль йўлида содир бўлган. Аёл базавий ҳисоблаш миқдорининг 15 баравари - 6,2 миллион сўм миқдорида жаримага тортилиши мумкин. Унинг машинаси жарима майдончасига қўйилди.
Боланинг аҳволи ҳақида ҳозирча хабар берилмаган.
Эслатиб ўтамиз, аввалроқ Хоразм вилоятида иккита енгил автомобиль тўқнашуви оқибатида йўл четида турган икки ёшли бола уриб юборилганди. У фожиа жойида вафот этди.
Изоҳлар мавжуд емас