Ўзбекистон, Тошкент – Batafsil.uz. Шаҳрисабзда Damas пиёдалар ўтиш жойида мактаб ўқувчисини уриб юборишига оз қолгани акс этган видеога ЙҲХБ муносабат билдирди. Сўнгги лаҳзада бола тўқнашувдан қочишга муваффақ бўлган. Маълумотга кўра, ҳайдовчи қонунга мувофиқ жазоланди.
Видео кенг жамоатчилик эътирозига сабаб бўлгач, Қашқадарё ҳуқуқ-тартибот идоралари кузатув камералари ёзувларини ўрганиб, қоидабузарнинг шахсини аниқлади.
Маълум бўлишича, автомобилни 68 ёшли эркак бошқарган. Таъкидланишича, ҳайдовчининг ўзи ҳам набираси бор, у эса озгинада набираси тенгдош болани уриб юбориши мумкин эди. Ҳуқуқбузар содир этган ишидан пушаймон бўлиб, боланинг ота-онасидан узр сўради.
Фуқарога нисбатан Маъмурий кодекснинг 128-10-моддаси (йўлдаги безорилик) бўйича баённома расмийлаштирилди. Суд ҳукмига кўра, у бир йилга ҳайдовчилик ҳуқуқидан маҳрум этилди ҳамда 25 БҲМ (10,3 миллион сўм) миқдорида жарима тўлайди.
Изоҳлар мавжуд емас