Ўзбекистон, Тошкент - Batafsil.uz. Ўзбекистон Республикаси Президенти Администрацияси раҳбари Саида Мирзиёева MEDEF International ҳузуридаги Ўзбекистон-Франция ишбилармонлар кенгаши раиси ва Orano компанияси директорлар кенгаши раиси Клод Имовен бошчилигидаги Франциянинг етакчи компаниялари вакиллари билан учрашув ўтказди.
Музокаралар давомида томонлар Ўзбекистон ва Франция ўртасида бир қатор стратегик йўналишларда ҳамкорликни ривожлантириш истиқболларини атрофлича муҳокама қилганлар. Истиқболли шериклик йўналишлари қаторидан энергетика, таълим, сув таъминоти, шунингдек, транспорт ва шаҳар инфратузилмаси соҳалари ўрин олган.
Саида Мирзиёева ўз баёнотида ушбу учрашув Франция Президенти Эммануэль Макрон билан яқинда бўлиб ўтган олий даражадаги музокаралар чоғида бошланган самарали мулоқотнинг мантиқий давоми бўлганини таъкидлаган. Унинг қайд этишича, ҳар икки томон ҳам ўзаро шериклик алоқаларини янада мустаҳкамлаш ва йирик қўшма лойиҳаларни ҳаётга татбиқ этишдан манфаатдордир.
Эслатиб ўтамиз, аввалроқ Саида Мирзиёева ЮНЕСКО бош директори билан ҳам учрашув ўтказиб, маданий-гуманитар ҳамкорлик масалаларини муҳокама қилган эди.
Изоҳлар мавжуд емас