Ўзбекистон, Тошкент - Batafsil.uz. Ижтимоий тармоқларда кенг муҳокама қилинган ва кўпчиликнинг эътиборини тортган бемор болажоннинг операцияси билан боғлиқ масала ижобий ечим топди.
Ўшанда боланинг отаси Шайх Саййид Раҳматуллоҳ Термизий эканлиги, ҳозирда бола билан умуман куришмаслиги очиқланганди. Бу эса кўплаб фаоллар эътирозига сабаб бўлганди.
Айтилишича, бемор болажон Термизий домланинг учинчи оиласидан бўлган фарзанди. Онаси эса эҳсон учун қўйилган карта рақамларига қараб, Ирода Иралиева (хонанда) эканлиги тахмин қилинганди.
Бугун, Севдора Латипова исмли блогернинг маълум қилишича, боланинг отаси барча тиббий харажатларни ўз зиммасига олган.
Мазкур хайрли ташаббус жамоатчиликнинг фаол мурожаатлари ва бефарқ бўлмаган инсонларнинг саъй-ҳаракатлари натижасида юзага келган. Эндиликда бир йил давомида кечиктирилган муҳим жарроҳлик амалиёти тез фурсатларда ўтказилиши кутилмоқда.
Боланинг отаси ўз адвокатлари орқали операция учун зарур бўлган барча маблағларни тақдим этган. Бироқ, бола билан кўришиш истагини билдирмаган.
Хабар муаллифи таъкидлаганидек, асосий мақсад — вақтни бой бермасдан болани соғлом ҳаётга қайтариш бўлган.
Ушбу жараёнда фаол иштирок этган ва маънавий қўллаб-қувватлаган барча юртдошларимидга ташаккур билдирилган.
Вазият ижобий томонга ўзгаргани сабабли, илгари эълон қилинган ёрдам сўралган видеомурожаат тармоқлардан олиб ташланган.
Болажонга Аллоҳдан шифо тилаб қоламиз.
Изоҳлар мавжуд емас