Ўзбекистон, Тошкент - Batafsil.uz. 16 июнь куни Кўксарой қароргоҳида Ўзбекистонга расмий ташриф билан келган Албания Республикаси Президенти Байрам Бегайни расмий кутиб олиш маросими ўтказилди.
Қароргоҳ олдидаги майдонда фахрий қоровул саф тортган. Ўзбекистон Республикаси Президенти Шавкат Мирзиёев олий мартабали меҳмонни самимий қарши олиб, уни шоҳсупага таклиф қилган.
Маросим давомида ҳарбий оркестр ижросида Ўзбекистон ва Албания давлат мадҳиялари янграган. Шундан сўнг икки давлат раҳбарлари фахрий қоровул сафини кўздан кечириб, расмий делегациялар аъзолари билан саломлашган.
Тантанали маросим якунида давлат раҳбарлари биргаликда суратга тушган. Шундан кейин Ўзбекистон ва Албания ўртасидаги ҳамкорлик масалаларига бағишланган олий даражадаги музокаралар бошланган.
Изоҳлар мавжуд емас