Ўзбекистон, Тошкент - Batafsil.uz. Россия президенти Владимир Путин Алексей Ерховни Россиянинг Ўзбекистондаги янги фавқулодда ва мухтор элчиси этиб тайинлади. Тегишли фармон Қонун ҳужжатлари расмий порталида эълон қилинди.
Алексей Ерхов Ўзбекистонга тайинланишидан олдин 2017 йил июнь ойидан бери Россиянинг Туркиядаги дипломатик ваколатхонасига раҳбарлик қилиб келаётган эди.
Яна бир ҳужжат билан давлат раҳбари 2021 йил мартидан буён ушбу лавозимда ишлаб келган собиқ элчи Олег Малгиновни лавозимидан озод қилди. Унинг истеъфоси сабабларига аниқлик киритилмаган.
Олег Малгинов ўз миссиясини якунлагани ҳақида 2025 йил июнь ойида маълум қилган эди. Россия куни муносабати билан қабул маросимида у ўз ишини сарҳисоб қилиб, Ўзбекистон раҳбарияти, Ташқи ишлар вазирлиги, дипломатик корпусдаги ҳамкасблари, ватандошлари ва элчихона ходимларига қўллаб-қувватлаш ва ҳамкорлик учун миннатдорчилик билдирди.
"Мен бу ерда кўплаб дўстларимни қолдиряпман, ишончим комилки, улар билан ҳали кўп учрашамиз. Ўз навбатида, Россия-Ўзбекистон муносабатларини ривожлантиришни қўллаб-қувватлашда давом этаман", - деди Малгинов.
Изоҳлар мавжуд емас