Ўзбекистон, Тошкент - Batafsil.uz. АҚШ бошқа мамлакатларга Ормуз бўғозида кемалар ҳаракатини тиклаш учун янги иттифоқ тузишни таклиф қилди. Ташаббус Кемачилик эркинлиги денгиз коалицияси (Maritime Freedom Construct) деб номланган.
The Wall Street Journal газетасининг хабар беришича, АҚШ Давлат департаментининг дипломатик телеграммаси аллақачон АҚШ элчихоналарига юборилган. Дипломатларга хорижий ҳукуматларнинг альянсга қўшилишига эришиш топширилди.
Ҳужжатга кўра, АҚШ бошчилигидаги коалиция разведка маълумотларини алмашади, дипломатик саъй-ҳаракатларни мувофиқлаштиради ва санкцияларнинг бажарилишини таъминлайди. MFC Давлат департаменти ва АҚШ Қуролли кучлари Марказий қўмондонлигининг қўшма лойиҳаси бўлади.
Альянс тинчлик ташаббуси сифатида кўрсатилса-да, дипломатлар хорижий ҳамкасбларидан дипломатик ёки ҳарбий ҳамкор бўлишни хоҳлашларини сўрашлари керак.
Аввалроқ Эрон Покистон орқали АҚШга ҳарбий можарони тўхтатиш бўйича янги таклиф юбориб, дипломатик боши берк кўчадан чиқишга урингани хабар қилинганди. Теҳроннинг асосий ғояси - минтақавий хавфсизлик ва "ядровий ҳужжат"ни бир-биридан ажратиб, муаммоларни босқичма-босқич ҳал этишдир.
Изоҳлар мавжуд емас