Ўзбекистон, Ташкент – Batafsil.uz ЯА. Иқтисодиёт ва саноат вазирлиги томонидан Президентнинг ўрта бизнес тўғрисидаги қарори лойиҳаси муҳокамага қўйилди. Ҳужжатга мувофиқ, айланмаси 3 миллиард сўмгача бўлган корхоналарни ҚҚСдан озод қилиш таклиф этилмоқда.
Мазкур ҳужжат экспертлар ҳамжамияти ҳамда айрим амалдорларда қатор саволларни келтириб чиқарди.
Масалан, молия вазирининг ўринбосари Дилшод Султонов Buxgalter.uz нашрига берган интервьюсида Солиқ кодекси муаллифлари томонидан илгари сурилган ғояга кўра, ҚҚС бизнес учун ортиқча юк бўлмаслиги кераклигини билдирган. ҚҚС занжирини таъминлаш учун уни барча иштирокчилар тўлаши лозим. Занжирнинг узилиши эса кейинги бўғин учун юк бўлади. Мазкур бўғин корхоналари учун ҚҚС “айланмадан солиқ” кўринишига эга бўлади.
“Тўламайдиганлар “кириб келувчи” ҚҚСни ҳисоблашдан маҳрум бўлишиб, уни тан нархга қўшишади. Шунинг учун ҚҚСни тўламаслик имкониятининг берилиши тадбиркорларнинг ўзига маълум ноқулайликларни келтириб чиқаради. Солиқ тўловчилар имтиёзлилардан махсулот харид қилишни хохламаётганликлари туфайли биргина 2019 йилнинг январь ойида айланмаси 1 миллиард сўмдан кам бўлаган мингга яқин корхона ҚҚСни ихтиёрий равишда тўлашга қарор қилишган”, - деб таъкидлади у.
Унинг айтишича, агарда занжир фақат Ягона фойда солиғи тўловчиларидан иборат бўлса, улар учун солиқ юки бир неча баробар ошиб боради. Ҳар қайси кейинги операциядан сўнг фойда солиғини тўлашга тўғри келади. Натижада маҳсулотнинг ишлаб чиқарувчидан харидоргача етиб боришининг ҳар-бир босқичида нарх ошади. Корхоналар коммунал хизматларни ҚҚС билан сотиб олаётганликлари боис солиқ ҳисобига кирита олмайдилар ва уни тан нархга қўшишга мажбурдирлар.
Эслатиб ўтиш жоизки, муҳокама қўйилган ҳужжатни иқтисодчи Юлий Юсупов ҳам танқид қилиб, Иқтисодиёт ва саноат вазирлиги “зараркунанда ташкилот” деб атаган ва ушбу ҳужжатни ишлаб чиққанлиги учун вазирликни тарқатиб юоришни таклиф қилган.
Изоҳлар мавжуд емас