Ўзбекистон, Тошкент - Batafsil.uz. Сурхондарё вилоятининг Денов туманида Humo New Energy кичик юк автомобилларини ишлаб чиқариш бўйича янги завод ишга туширилди. Лойиҳа қиймати 30 миллион долларга баҳоланмоқда.
Корхонанинг ишлаб чиқариш қуввати йилига 5 минг донагача маҳсулот тайёрлаш имконини беради. Юк машиналари учун бутловчи қисмларнинг асосий қисми Ўзбекистонда ишлаб чиқарилади - бу аҳолини арзон ва ишончли транспорт билан таъминлаш имконини беради.
Завод "Ўзэлтехсаноат" уюшмаси ва вилоят ҳокимлиги кўмагида барпо этилган. Лойиҳа доирасида 150 та янги иш ўрни яратилди.
Лойиҳанинг кейинги босқичида электромобиллар ишлаб чиқаришни йўлга қўйиш кўзда тутилган.
Аввалроқ, Ўзбекистонда Volkswagen автомобилларини ишлаб чиқариш йўлга қўйилиши ҳақида хабар берилган эди.
Изоҳлар мавжуд емас