Ўзбекистон, Тошкент Batafsil.uz. Ўзбекистоннинг Қатардаги элчихонаси дипломатлари Доҳадаги жиноятларда ноҳақ айбланган ватандошни ватанига қайтариб юборди. Бу ҳақда Batafsil.uz. мухбири хабар бермоқда.
Аёл ўтган йилнинг май ойида гўзаллик салонида ишлаш учун Қатарга борган ва ўзи билан турли жиҳозлар олиб кетган. Аммо август ойида иш берувчи ундан салон биносини тарк этишни талаб қилгач, аёл меҳмонхонага жойлашган.
Бироз вақт ўтгач, аёл Қатар қонунчилигининг бир нечта моддаларини бузганликда айбланиб, ҳибсга олинган. Маълум бўлишича, аёлнинг иш берувчиси унга нисбатан қочиш ва ўғирлик ҳақида ёлғон ариза берган экан.
Аёлга консуллик-ҳуқуқий ёрдам кўрсатилган, шунингдек, вақтинчалик бошпана ва озиқ-овқат билан таъминланган. Маълум бўлишича, у ўз иш берувчисига ноқонуний туҳмат қилгани, шунингдек, кафилнинг рухсатисиз қочиб кетгани ва ўғирлик қилгани учун бир йиллик қамоқ жазосини ўтамагунча, Қатарни тарк эта олмас экан.
Дипломатлар Қатар ҳуқуқ-тартибот идоралари билан музокаралар олиб боришган, шунингдек, тергов ва суд жараёнларида иштирок этган. Уларнинг саъй-ҳаракатлари, шунингдек, аёлнинг 8 ой қамоқда ўтиргани туфайли у айбсиз деб топилиб, суд залидан озод қилинган. Бундан ташқари, дипломатлар ундан мамлакатдан чиқиш бўйича барча чекловларни олиб ташлашга эришишган. Натижада жорий йилнинг 5 март куни ватандошимиз Ўзбекистонга қайтиб келди.
Ўзбекистоннинг Доҳадаги элчихонаси Қатарга ишлаш учун кетаётган фуқароларни фақат лицензияга эга кадрлар агентликлари хизматларидан фойдаланишга, ишга жойлашиш бўйича қонуний шартномалар тузишга ва Қатарнинг миграция ва меҳнат қонунчилиги талабларига риоя қилишга чорлайди.
Эслатиб ўтамизки, аввалроқ дипломатлар Саудия Арабистонида оғир касалликка чалинган Ўзбекистон фуқаросини ватанига қайтаришга ёрдам берганди.
Изоҳлар мавжуд емас