Ўзбекистон, Тошкент – Batafsil.uz. Россия иқтисодий ривожланиш вазири Максим Решетников мамлакатда кадрлар танқислиги билан боғлиқ жиддий муаммони ҳал қилиш учун мигрантларни фаолроқ жалб қилишга чақирган. Бу ҳақда Россия ОАВга ҳавола қилган ҳолда мухбиримиз хабар бермоқда.
Вазир Минтақалар ижтимоий инновациялар форумининг ялпи сессиясида сўзлаган нутқида Россияда кадрлар ва мутахассисларнинг кескин танқислиги юзага келганини таъкидлаган.
"Инсон капитали, инсон ресурслари иқтисодиётдаги энг танқис ресурсга айланганини инкор этиш қийин."Инвестициялар, молия ва ҳатто технология ҳам эмас, улар билан ҳам муаммолар мавжуд", – деди Максим Решетников. Унинг сўзларига кўра, кадрлар этишмаслиги муаммоси миқдорий ва сифат даражасида ҳам мавжуд.
Кадрлар танқислиги муаммосини ҳал қилиш учун вазир меҳнат унумдорлигини ошириш бўйича миллий лойиҳани кенгайтиришни ва мигрантларни иқтисодиётга фаолроқ жалб қилишни таклиф қилган.
"Биз миграция масаласини ҳал қилишимиз керак. Биз Евроосиё иқтисодий маконидамиз, бизда очиқ меҳнат бозори мавжуд. Ва, албатта, сўнгги бир ярим йилдаги қийинчиликлар аҳолининг катта чиқиш оқими борлигини кўрсатмоқда", – дея тушунтирди вазир.
Максим Решетников Марказий Осиё ишчи қўллари кўп бўлган ва фаол ўсиб бораётган минтақа эканлигини таъкидлаган. Унинг сўзларига кўра, Россия Марказий Осиё ишчи кучи учун Хитой, Жануби-Шарқий Осиё ва бошқа мамлакатлар билан рақобатлашмоқда.
"Биз ҳозир у ерда рус мактабларига фаол сармоя киритмоқдамиз. Аммо буларнинг барчаси бу ерда қўшни мамлакатларнинг энг яхши истеъдодларини сақлаб қолиш учун онгли сиёсатга айлантирилиши керак, чунки бу ишчи қўллар самарали ҳисобланади, иқтисодиёт уларга муҳтож",- дея қўшимча қилди у.
Россия банки маълумотларига кўра, 2023 йил бошидан бери саноатда сўнгги 25 йил ичида энг паст кадрлар таъминоти мавжуд. “Роструд” маълумотларига кўра эса, август ойи бошида "Россиядаги иш" порталида 1,9 миллион бўш иш ўринлари очилган бўлсада, улар жуда секин ёпилмоқда.
Изоҳлар мавжуд емас