Ўзбекистон, Тошкент - Batafsil.uz. Эртага, 27 май куни пойтахтда қисқа муддатли чанг бўронлари кўтарилиши мумкин. Синоптиклар ҳавода чанг миқдори ортишидан огоҳлантириб, эҳтиёт чораларини кўришни тавсия қилишмоқда.
Эртага кутилаётган об-ҳаво Ўзгидромет ва халқаро метеорология марказларининг маълумотига кўра, эртага Тошкентда ҳаво ўзгариб туради. Баъзи жойларда қисқа муддатли ёмғир ёғиб, момақалдироқ бўлиши ҳам мумкин. Шамол тезлиги сониясига 15 метргача кучайган пайтда эса чанг тўзонлари кўтарилади.
Чанг бўронининг хавфи ва давомийлиги Шамол туфайли ҳаводаги чанг заррачалари, айниқса PM10 миқдори қисқа вақтга ортиб кетади. Аммо хавотирга ўрин йўқ, чунки бу ҳолат узоқ давом этмайди. Шамолдан кейин ёғадиган ёмғир ҳавони тез фурсатда тозалаб юборади.
Муҳим тавсиялар ва эҳтиёт чоралари Аллергияси борлар, нафас йўли ва юрак-қон томир хасталикларидан азият чекувчилар айниқса эҳтиёт бўлишлари зарур. Шамол кучайган пайтда кўчада кўп юрмасликка ҳаракат қилиш лозим. Шунингдек, уй ва ишхона ойналарини маҳкам ёпиб қўйиш ҳамда зарурат туғилганда тиббий ниқоб тақиб юриш тавсия этилади.
Изоҳлар мавжуд емас