Ўзбекистон, Тошкент - Batafsil.uz. Ўзбекистон Олий аттестация комиссияси (ОАК) раиси Аҳмадбек Юсупов эгаллаб турган лавозимидан озод этилди. Бу ҳақда Вазирлар Маҳкамасининг тегишли қарори қабул қилинди.
Аҳмадбек Юсупов ОАК тизимида анчадан бери ишлаб келаётган эди: у 2005–2012 йилларда комиссиянинг бош илмий котиби бўлган, 2015 йилдан буён эса унга раҳбарлик қилиб келаётганди.
Ушбу кутилмаган истеъфо Президент Шавкат Мирзиёев иштирокида илмий кадрларни тайёрлаш тизимини тубдан яхшилаш ва соҳа самарадорлигини оширишга бағишланган тақдимотдан сўнг амалга ошди. ОАКнинг янги раҳбари ким бўлиши ҳозирча маълум қилинмаган.
Эслатиб ўтамиз, аввалроқ экспертлар мамлакатдаги илмий кадрлар тайёрлаш тизими ва Олий аттестация комиссияси фаолиятидаги бир қатор жиддий муаммоларни танқид қилиб, илмий ишларни ҳимоя қилиш ва аттестациядан ўтказиш тизимини бутунлай қайта кўриб чиқиш зарурлигини таъкидлашган эди.
Изоҳлар мавжуд емас