Ўзбекистон, Тошкент – Batafsil.uz. Тошкентга биринчилардан бўлиб МДҲнинг "Меҳнат шон-шарафи шаҳри" унвони берилиши режалаштирилган. Бу ҳақда мухбиримиз хабар бермоқда.
Шунингдек, фахрий унвон Озарбайжон пойтахти Бокуга, сўнгра эса Ҳамдўстлик мамлакатларининг бошқа пойтахтларига берилиши кўзда тутилган. Бу ҳақда Москвада бўлиб ўтган саммит натижаларига кўра МДҲ бош котиби Сергей Лебедев маълум қилган. Бундай унвонни бериш учун шаҳарни танлаш таклифлари ташкилотга аъзо давлатлар томонидан киритилади.
“Бундай шаҳарлар жуда кўп. Улар ушбу лойиҳани ишлаб чиқиш жараёнида аллақачон номланган – бунга Боку, Тошкент ва бошқа кўплаб пойтахтлар киради, уларга саноат корхоналари [УлуғВатан уруши] даврида кўчирилган, бу шаҳарлар фронт ва ғалаба учун ишлаган", - деди у.
Таклифлар гуманитар ҳамкорлик Кенгаши томонидан кўриб чиқилади, шундан сўнг улар тасдиқлаш учун давлат раҳбарлари Кенгаши Мажлисига тақдим этилади.
Хабар қилинишича, Владимир Путин МДҲ давлатлари раҳбарлари Кенгашида унвонни таъсис этиш ташаббуси билан чиққан.
Эслатиб ўтамизки, МДҲ давлатлари раҳбарлари Москвада бўлиб ўтган саммитда 14 та ҳужжатни имзолашган. Улардан бири 1941-1945 йиллардаги Улуғ Ватан урушида совет халқининг ғалабасининг 80 йиллиги муносабати билан Ҳамдўстлик мамлакатлари халқлари ва жаҳон ҳамжамиятига мурожаат қилишдир.
Изоҳлар мавжуд емас