Ўзбекистон, Тошкент - Batafsil.uz. Тошкент ва Хитойнинг Гуанчжоу шаҳри ўртасида янги тўғридан-тўғри авиақатнов ишга туширилди. Биринчи самолёт аллақачон "Гуанчжоу Байюн" халқаро аэропортига етиб борган, Ўзбекистон пойтахти ва Гуандун провинцияси ўртасидаги парвозларнинг умумий сони ҳафтасига 12 тага етган.
Янги йўналиш Тошкентни Хитойнинг энг йирик савдо-саноат марказларидан бири билан туташтирди. Биринчи рейс "Гуанчжоу Байюн" аэропортида кутиб олинди.
Аэропорт бош директори ўринбосари Ци Яомин янги йўналишнинг очилиши нафақат мамлакатлар ўртасидаги ҳаво қатновини кенгайтириш, балки Буюк Ипак йўлининг замонавий давоми бўлганини таъкидлади.
Унинг сўзларига кўра, Гуанчжоу ва Тошкент ўртасидаги тўғридан-тўғри авиақатновлар Хитой ва Ўзбекистон ўртасидаги савдо-иқтисодий, сармоявий ва маданий-гуманитар алоқаларни ривожлантиришга хизмат қилиши кутилмоқда.
Янги йўналиш бўйича парвозлар ҳафтада бир марта - чоршанба кунлари амалга оширилади.
Аввалроқ Ўзбекистон Хитойга авиақатновлар сонини оширишни режалаштираётгани хабар қилинганди.
Изоҳлар мавжуд емас