Ўзбекистон, Тошкент – Batafsil.uz. Википедиянинг ўзбек тилидаги версиясида чоп этилган мақолалар сони бўйича Ўзбекистон Марказий Осиёда биринчи ўринга чиққан. Бу ҳақда мухбиримиз хабар бермоқда.
Марказий Осиё мамлакатларининг давлат тилидаги мақолалар сони бўйича рейтинги қуйидагича:
-
ўзбек тилида-249 738.
-
қозоқ тилида - 236 046.
-
тожик тилида 111 676.
-
қирғиз тилида 79 088.
-
туркман тилида 6 822.
Умумжаҳон рейтингида Ўзбекистон мақолалар сони бўйича 42-ўринни эгаллайди.
Википедиянинг ўзбекча саҳифаси 2003 йил 21 декабрда яратилган, юзинчи юбилей мақола 2006 йил 15 январда, мингинчи мақола 2006 йил 28 майда, юз мингингчи мақола 2013 йил 20 мартда ва икки юз мингингчи мақола 2022 йил 16 ноябрда пайдо бўлган.
20 февраль ҳолатига кўра Википедиянинг ўзбекча бўлимида 123 168 иштирокчи рўйхатга олинган, улардан 549 нафари сўнгги 30 кун ичида бирон бир ҳаракатни амалга оширган ва 16 нафари иштирокчи администратор мақомига эга. Ўзбек тилидаги Википедияда таҳрирларнинг умумий сони 4 миллионни ташкил этади.
Ўзбекча Википедияда матнни ўзгартириш тизими мавжуд ва шунинг учун ҳар қандай мақола ва матнларни турли хил вариантларда – лотин ёки кирилл ёзувларида кўриш мумкин. Одатда, сайт лотин алифбосидан фойдаланади.
Маълумот учун. Мақолалар сони бўйича инглиз тилидаги Википедия 6,78 миллион мақола билан етакчи ўринни эгаллайди. Рус тилида 1,96 миллион мақола чоп этилган. Немис тилида 2,88 миллион мақола ва француз тилида 2,59 миллион мақола мавжуд.
Эслатиб ўтамизки, ўтган йили ўзбекистонликлар ҳар йили ўтказиладиган Wiki loves monuments – "Вики ёдгорликларни яхши кўради" тарихий бинолар ва диққатга сазовор жойлари халқаро фото танловида биринчи марта иштирок этишган. Танловни "Википедия" интернет энциклопедияси ҳамжамияти ташкил этади.
Изоҳлар мавжуд емас