Ўзбекистон, Тошкент - Batafsil.uz. Фарғона вилоятининг Бувайда туманида собиқ севгилисининг эрининг қариндошини ўлдиришга уринган 24 ёшли эркак 8 йилга озодликдан маҳрум этилди.
Суд маълумотларига кўра, қиз аллақачон турмушга чиққан бўлса-да, судланувчи у билан алоқада бўлган. Эрининг қариндошлари бундан хабар топгач, можаро келиб чиқади. Келиннинг ва турмуш ўртоғининг қариндошлари йигитни учрашувга таклиф қилишди, аммо баҳс тезда жанжалга айланиб кетди.
Воқеа пайтида эркак машинадан пичоқ олиб, рақибининг кўкраги, сони ва қорнига бир неча марта зарба берган. Можаро иштирокчиларининг аралашуви билан жабрланувчини қутқаришга муваффақ бўлинди.
Суд бу ҳаракатларни қасддан одам ўлдиришга суиқасд сифатида баҳолади. Унга Жиноят кодексининг 25, 57-моддалари қўлланилиб, 97-моддаси тартибида саккиз йил муддатга озодликдан маҳрум қилиш жазоси тайинланган.
Эслатиб ўтамиз, яқинда пойтахтда эркак оилавий жанжал оқибатида хотинини ўлдирмоқчи бўлган ва унга 20 га яқин пичоқ билан жароҳат етказган эди.
Изоҳлар мавжуд емас