Ўзбекистон, Тошкент - Batafsil.uz. Хоразм вилояти Хонқа туманида ўсмирларни рухсатсиз ўқитиб, жисмоний жазога тортган ноқонуний диний мактаб фаолиятига чек қўйилди.
Бу ҳақда Давлат хавфсизлик хизмати хабар берди.
Тергов маълумотларига кўра, 44 ёшли аёл қизи билан бирга ўз уйида 16 нафар вояга етмаганлардан иборат ўқув гуруҳини ташкил қилган. Шу билан бирга, улар тегишли диний маълумотга эга эмас эдилар. Ўқиш учун ота-оналардан 1 миллион сўмдан олинарди.
Ўқишни яхши ўзлаштира олмаган болалар мунтазам равишда жазоланган - жисмоний куч ишлатилган ва таҳқирланган. Мазкур ҳолат юзасидан ташкилотчиларга нисбатан Жиноят кодексининг 110-моддаси (вояга етмаган шахсни қийнаш) билан жиноят иши қўзғатилиб, Маъмурий жавобгарлик тўғрисидаги кодекснинг 241-моддаси (динни ўқитиш тартибини бузиш) билан маъмурий баённома расмийлаштирилган.
Бундан ташқари, ўқувчиларнинг ота-оналари болаларни тарбиялаш бўйича мажбуриятларини лозим даражада бажармаганликлари учун жавобгарликка тортилган.
Эслатиб ўтамиз, яқинда ҳуқуқ-тартибот идоралари ходимлари ўз уйи ертўласида яширин диний мактаб ташкил этган андижонлик фуқарони ҳибсга олган эди. 20 га яқин бола антисанитария шароитида ўқитилган.
Изоҳлар мавжуд емас