Ўзбекистон, Тошкент - Batafsil.uz. Ижтимоий тармоқларда Косон тумани маҳаллалар уюшмаси бўлими бошлиғи Убайдулла Очиловнинг фуқаро уйи олдида унга таҳдид қилиб, ҳақоратли сўзлар ишлатгани акс этган видео тарқалди. Ушбу ҳолат юзасидан муносабат билдирган Ўзбекистон маҳаллалари уюшмаси матбуот хизмати унга нисбатан хизмат текшируви тайинланганини маълум қилди.
Ҳодиса 28 июль куни бўлим бошлиғи фуқародан уйи олдида кўчага тўкилган қумни олиб ташлашни талаб қилган вақтда юз берган. Бу жараёнда томонлар ўртасида тортишув келиб чиққан.
Расмий муносабатда таъкидланишича, уюшма мансабдорнинг бундай хатти-ҳаракатларини давлат хизматчиси одоб-ахлоқ меъёрларига мутлақо зид деб баҳолаб, ҳолатни қатъий қоралаган. Айни пайтда хизмат текшируви ўтказилмоқда ва ишчи гуруҳ хулосасига кўра ходимнинг хатти-ҳаракатларига ҳуқуқий баҳо берилиб, тегишли чоралар кўрилади.
Олдинроқ ижтимоий тармоқларда ўзбекистонлик ЙПХ ходими чет эл фуқаросидан пора олаётгани акс этган видеода, ходим олд ойнадаги "соябон"нинг рухсат этилган узунлигидан ошгани учун машинани жарима майдончасига жойлаштириш билан таҳдид қилганди.
Изоҳлар мавжуд емас