Ўзбекистон, Тошкент – Batafsil.uz. Санкт-Петербургда стоматология клиникаси бўлган Ўзбекистон фуқаросига декларация қилинмаган тиббиёт асбобларни Дубайга олиб кетишган рухсат берилмаган. Бу ҳақда мухбиримиз хабар бермоқда.
Санкт-Петербургда стоматология клиникасига эга бўлган Ўзбекистон фуқароси Бирлашган Араб Амирликларида бизнес очишга қарор қилган, аммо багажда фақат шахсий буюмларни ташиш мумкинлигини ҳисобга олмаган.
Санкт-Петербургнинг Шимолий-Ғарбий божхона бошқармаси хабар беришича, 30 ёшли эркак Дубайга учиб кетмоқчи бўлганида Пулковода ушланган. Шифокорнинг учта чамадонида божхона ходимлари 220 турдаги тиббий асбоблар ва санитария-гигиена воситаларини, шунингдек 44 турдаги дори-дармонларни топиб олишган. Ҳаммаси бўлиб, оғирлиги 30 килограммдан ортиқ бўлган 770 дона асбоб ушлаб қолинган.
"Кўргазмалар учун намуналар, тарқатма материаллар, асбоб – ускуналар, сарф материаллари ва фойда олиш учун ташиладиган бошқа товарлар божхона тўловлари ва йиғимлари билан мажбурий декларация қилиниши керак", - деди Пулково божхона бошлиғи Анатолий Тимошченков.
Тадбиркор Евроосиё иқтисодий Иттифоқидан ташқарида товарларни экспорт қилиш тартибини билмаслигини тушунтирди. Стоматологнинг сўзларига кўра, валюталар курси ва жорий қилинган санкциялар ўртасидаги фарқ туфайли у пулни тежашга қарор қилган ва аксарият ускуналар ва материалларни ўз ватанидан сотиб олган, бошқаларини эса Россия Интернет-дўконларидан буюртма қилган.
Клиникани ишга тушириш мақсадида зарур бўлган товарларни сотиб олиш учун тадбиркор 250 минг рублдан кўпроқ маблағ сарфлаган. Ҳуқуқбузарга қарши товарларни декларация қилмаганлик тўғрисида маъмурий иш қўзғатилган.
Эслатиб ўтамизки, март ойи охирида Новосибирск аэропортида фарғоналик эркакдан Ўзбекистонда етиштирилган лола илдизпоялари олиб қўйилган ва йўқ қилинган.
Изоҳлар мавжуд емас