Ўзбекистон, Тошкент - Batafsil.uz. Давлат хавфсизлик хизмати ҳамда Ички ишлар органлари томонидан Сурхондарё ва Жиззах вилоятларида ўтказилган тезкор тадбирларда қарийб 9 килограмм гиёҳвандлик воситаларининг ноқонуний айланмасига чек қўйилди.
Сурхондарё вилоятининг Термиз туманидаги экин майдонида номаълум шахслар томонидан қолдириб кетилган 4 кг гашиш воситаси топилиб, тегишли тартибда расмийлаштирилган.
Жиззах вилояти бўйича ўтказилган яна бир амалиётда эса Зарбдор туманида яшовчи 45 ёшли фуқаро Жиззах шаҳрида тўхтатиб текширилганда, унинг ёнидаги хўжалик қопи ичидан 4 кг 840 гр "каннабис" ўсимлиги ашёвий далил сифатида олинган.
Ҳозирда иккала ҳолат юзасидан ҳам жиноят ишлари қўзғатилиб, ушбу қонунбузарликларга алоқадор бошқа шахсларни аниқлаш бўйича тергов ҳаракатлари олиб борилмоқда.
Олдинроқ Хоразм ва Наманган вилоятларида ўтказилган тезкор тадбирда умумий вазни 1 килограммга яқин миқдордаги гиёҳвандлик воситаларини муомалага киритишнинг олди олинганди.
Изоҳлар мавжуд емас