Ўзбекистон, Тошкент - Batafsil.uz. Тошкент вилоятининг Юқори Чирчиқ туманида суд яқинда ижтимоий тармоқларда катта шов-шувга сабаб бўлган видео бўйича қарор чиқарди.
Эслатиб ўтамиз, 3 август куни маҳаллий фуқаро ҳаракатланаётган автомобиль томига чиқиб, тўғридан-тўғри ҳаракат пайтида салют отган эди. Хавфли ҳаракат видеога олиниб, тармоққа жойлаштирилган.
Суднинг аниқлашича, 20 ёшли йўловчи жамоат жойларида ўзини тутиш қоидаларини бузган ва ноқонуний равишда пиротехника воситаларидан фойдаланган. Унга 7 сутка маъмурий қамоқ жазоси тайинланди.
Машина ҳайдовчиси ҳам жазоланди - йўловчининг ҳаётини хавф остига қўйгани учун 1 йилга ҳайдовчилик гувоҳномасидан маҳрум қилинди ва базавий ҳисоблаш миқдорининг 25 баравари миқдорида жаримага тортилди.
Изоҳлар мавжуд емас