Ўзбекистон, Тошкент - Batafsil.uz. Тошкентда вояга етмаган ўғлига савдо маркази автотураргоҳида автомобиль бошқаришга рухсат берган маҳаллий фуқарога нисбатан маъмурий иш қўзғатилди.
Йўл ҳаракати хавфсизлиги хизмати хабарига кўра, видеотасвирга олиниб, ижтимоий тармоқларда тарқалган ҳодиса пойтахтнинг Чилонзор тумани Бунёдкор шоҳкўчасида содир бўлган. Видеода вояга етмаган бола Malibu автомобилини бошқараётганини кўриш мумкин.
Текширувдан сўнг, ҳуқуқ-тартибот идоралари ходимлари профилактик суҳбат ўтказиш ва процессуал чоралар кўриш учун бола ва унинг ота-онасини чақиришди. Отага нисбатан Маъмурий жавобгарлик тўғрисидаги кодекснинг 47-моддаси (болаларни тарбиялаш ва уларга таълим бериш борасидаги мажбуриятларни бажармаслик) билан маъмурий баённома расмийлаштирилган.
Изоҳлар мавжуд емас