Ўзбекистонда бешта янги авиакомпания ташкил этилади

12 February 2020, 11:32 51 ... Иқтисод
Ўзбекистонда бешта янги авиакомпания  ташкил этилади

Ўзбекистон, Тошкент – Batafsil.uz ЯА. 2020 йилга мўлжалланган Давлат дастурига ҳавола қилган ҳолда мухбиримиз хабар беришича, Ўзбекистонда бешта янги авиакомпания ташкил этилиши мумкин.

Ўзбекистон транспорт вазирлиги, Туризм давлат қўмитаси ва бошқа бир қатор идораларга жорий йилнинг 1 апрелига қадар бешта янги авиакомпаниялар ташкил этиш топширилган. Бунинг натижасида амалдаги йўналишлар бўйича парвозлар сони оширилиб, янги йўналишлар очилади. Мазкур ишлар самарасида Ўзбекистон авиакомпаниялари томонидан амалга ошириладиган рейсларнинг умумий сонини 2800 тага кўпайтириш режалаштирилган.

Бундан ташқари, республиканинг ҳар бир халқаро аэропортида очиқ осмон режими остида ўнтадан янги халқаро рейсларни очиш топширилган. Мазкур тадбирларни 2021 йилнинг ёз фасли бошланишидан олдин якунлаш режалаштирилган.

Яна бир муҳим жиҳат шундан иборатки, фуқаролари учун Ўзбекистон билан визасиз режим жорий этиладиган давлатлар сони ошади.

Шунингдек, юқорида кўрсатилган ҳужжатда маҳаллий аэропортларда хорижий авиакомпаниялар самолётларига хизмат кўрсатиш нархини 30-50 фоизга пасайтириш, йўловчи ва юкларни ташиш учун тариф ва ставкаларни оптималлаштириш бўйича чора-тадбирлар мажмуини тасдиқлаш тўғрисида топшириқ берилган.

Эслатиб ўтамизки, илгарироқ яна бир Humo Air янги авиакомпаниясининг пайдо бўлиши ҳақида маълум бўлган эди. У ички рейсларни амалга оширади.

Матнни тайёрлади:
  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Рўйхатга қайтиш