Ўзбекистон, Тошкент - Batafsil.uz. Йил бошидан буён Ўзбекистон ҳудудида электрон хизматлар кўрсатувчи хорижий интернет компаниялари томонидан 124,8 миллиард сўм солиқ тўланган. Бу ўтган йилнинг мос даври билан солиштирилганда 44% га кўп.
Солиқ қўмитаси маълумотларига кўра, 2025 йил бошида Ўзбекистонда 63 та хорижий компания қўшилган қиймат солиғи тўловчиси сифатида рўйхатдан ўтган бўлса, 1 октябрга келиб уларнинг сони 73 тага етди.
Қуйидаги ўнта энг йирик хорижий компаниялар барча тўланган солиқларнинг 93 фоизини ташкил этди:
- Meta (Facebook, Instagram, WhatsApp, Messenger) – 35,2 миллиард сўм;
- Apple – 35,1 миллиард сўм;
- Google – 31,2 миллиард сўм;
- OpenAI (ChatGPT) – 4 миллиард сўм;
- Booking.com – 2,9 миллиард сўм;
- TikTok – 2,6 миллиард сўм;
- Netflix – 1,3 миллиард сўм;
- Acca – 1,1 миллиард сўм;
- Zoom – 1,1 миллиард сўм;
- Amazon – 1,1 миллиард сўм.
Ўтган йилнинг энг йирик солиқ тўловчилари ўнлигидан Yandex Europa ва Xsolla чиқиб кетди. Amazon компанияси тўртинчи ўриндан ўнинчи ўринга пастлади.
Ҳисобот даврида хорижий компаниялар томонидан 1 триллион сўмликдан зиёд хизматлар кўрсатилган. Бу 2024 йилнинг мос даври билан солиштирилганда 46,5% га кўп.
Аввалроқ Facebook, Instagram, WhatsApp ва Threads ижтимоий тармоқларига эгалик қилувчи Meta компанияси Ўзбекистонда ўз ваколатхонасини очиш имкониятини кўриб чиқаётгани ҳақида хабар берилганди.
Изоҳлар мавжуд емас