Ўзбекистон, Тошкент - Batafsil.uz. Ўзбекистонда жорий йилнинг январь ва июль ойлари оралиғида 7 миллиард киловатт-соат "яшил" электр энергияси олинди. Ушбу кўрсаткич ўтган йилнинг мос даврига нисбатан 23 фоизга ошгани кузатилган.
Шунга кўра, сўнгги тўрт йил ҳамда жорий давр мобайнида қайта тикланувчи манбалар орқали жами 23,4 миллиард киловатт-соатдан зиёд электр манбаи шакллантирилган. Муқобил манбалардан олинган ушбу ҳажмдаги ресурс эвазига 6,24 миллиард куб метр табиий газ тежаб қолинган.
Шу билан бирга, атмосферага 13,46 миллион тонна атрофида чиқинди ҳамда зарарли газлар тарқалишининг олди олинган.
Айтиб ўтиш жоизки, бугунги кунда мамлакатимизда умумий қуввати 5 602 мегаваттни ташкил этувчи 21 та "яшил" объект фаолият юритмоқда. Уларнинг сафидан 3 930 мегаваттли 15 та қуёш ҳамда 1 672 мегаваттли 6 та шамол электр станцияси ўрин олган.
Таққослаш учун, соҳадаги йиллик ҳажм изчил равишда ўсиб борган. Муқобил энергия генерацияси 2022 йилда 434 миллион киловатт-соатни ташкил этган бўлса, 2023 йилда 576,9 миллион, 2024 йилда 4,9 миллиард ҳамда 2025 йилда 10,5 миллиард киловатт-соатга етган.
Олдинроқ март ойида Ўзбекистон энергетика тизимида қайта тикланувчи энергия манбалари улуши 9,9 минг мегаваттни ташкил этганди.
Изоҳлар мавжуд емас