Ўзбекистон, Тошкент - Batafsil.uz. Синоптиклар Ўзбекистонда 5-8 декабрь кунлари кузатиладиган об-ҳаво маълумотини маълум қилди: мамлакатда кейинги ҳафта бошида ёғингарчилик, туман ва бироз совуқ бўлиши кутилмоқда.
Бугун кундуз куни Фарғона водийси вилоятларида, куннинг биринчи ярмида Тошкент ва Сурхондарё вилоятларида баъзи жойларда бироз ёмғир ёғиши мумкин. Қолган ҳудудларда ёғингарчилик кутилмайди. Республика бўйича баъзи жойларга туман тушади.
6-7 декабрь кунлари Ўзбекистон ҳудудининг катта қисмида ёғингарчиликсиз об-ҳаво сақланиб туради. Тошкент ва Сурхондарё вилоятлари бундан мустасно: шанба куни кечқурун ва якшанбага ўтар кечаси у ерда ёмғир ёғиши мумкин. Қорақалпоғистонда ва Хоразм вилоятида якшанба куни кундузи ёмғир ёғади, Қорақалпоғистон шимолида ёғингарчилик қорга айланиши мумкин.
8 декабрь, душанба куни ёғингарчилик республиканинг деярли барча ҳудудларини қамраб олади. Фақат Қорақалпоғистонда, Хоразм ва Сурхондарё вилоятларида ёғингарчилик кутилмайди. Кечаси 2-7, кундузи 5-10 даража илиқ бўлади. Шарқий шамол йўналишини ўзгартириб, ғарбдан кучсиз ва ўртача тезликда эсади.
Кечаси 2 даража совуқ, 3 даража илиқ, кундузи 8-13 даража илиқ бўлади. Шимолий ҳудудларда кечаси 2-7 даража совуқ, кундузи 3-8 даража илиқ бўлади.
Тошкентда 5 декабрь куни кундузи бироз ёмғир ёғиши, кечаси туман тушиши мумкин. Шанба ва якшанба кунлари асосан ёғингарчиликсиз бўлади: 6 декабрь куни кечқурун ва 7 ва 8 декабрь кунлари кечаси ёмғир ёғиши эҳтимоли бор.
Ҳарорат кечаси 0-2 даража илиқ, кундузи 9-12 даража илиқ бўлади. Душанба куни ҳарорат кечаси 3-5 даража илиқ, кундузи 5-7 даража илиқ бўлиши кутилмоқда. Шарқдан секундига 3-8 метр тезликда шамол эсади.
Изоҳлар мавжуд емас