Ўзбекистон, Тошкент - Batafsil.uz. Ўзбекистондаги банк ва тўлов иловалари фойдаланувчилари ўз аккаунтларига фақат ўзларига ёки яқин қариндошларига тегишли бўлган карта ва ҳисобварақларни боғлашлари мумкин бўлади.
Белгиланган тартибга кўра, мобил иловадаги аккаунтга фақат фойдаланувчининг ёки унинг яқин қариндошларининг шахсий банк ҳисобварағи, банк картаси ёки электрон ҳамёнини улашга рухсат берилади. Битта аккаунт орқали P2P ўтказмаларни амалга ошириш мумкин, бироқ бегона карталардан фойдаланиш тақиқланади.
Картани рўйхатдан ўтказиш ва улашда тизим телефон рақами ва ЖШШИР мувофиқлигини текширади. Агар маълумотлар мос келмаса, фойдаланувчи иловада рўйхатдан ўта олмайди ёки карта қўша олмайди.
Биометрик идентификацияга алоҳида эътибор берилади. Кредит ва тўлов ташкилотлари фойдаланувчининг "тириклигини" текширишлари шарт, бу эса шахсни фотосурат орқали тасдиқлаш имкониятини истисно қилади.
Қўшимча чекловлар рухсатсиз киришдан ҳимояланишга тегишлидир. Агар бир марталик СМС-код уч марта нотўғри киритилган бўлса, мобил иловадаги барча операциялар 15 дақиқага вақтинча блокланади.
Бошқа қурилмадан ҳисобга кирилганда ёки пароль тикланганда барча бириктирилган банк карталари иловадан автоматик ўчириб ташланади. Шунингдек, ушбу қурилмада карталар бўйича молиявий операциялар тарихи ўчирилади. Карталарни қайта улаш фақат биометрик идентификациядан ўтгандан кейингина мумкин.
Изоҳлар мавжуд емас