Ўзбекистон, Тошкент - Batafsil.uz. 2025 йил давомида Ўзбекистонда табиий газдан ноқонуний фойдаланиш бўйича 173 мингдан ортиқ ҳолат аниқланган. Натижада давлат манфаатларига етказилган 1 триллион 667 миллиард сўмлик зарар қайта ҳисоб-китоб қилинган.
"Ҳудудгазтаъминот" компаниясининг Комплаенс назорат тизими ва ишчи гуруҳлари томонидан ўтказилган хатлов жараёнларида 173 645 та ноқонуний уланиш ва қоидабузарлик ҳолати аниқланган.
Бунинг натижасида 774,6 миллион куб метр табиий газ (бу миқдор ўртача бир вилоятнинг маълум муддатлик истеъмолига тенг) йўқотилган.
Суюлтирилган газ таъминоти соҳасида ҳам тизимли ўғриликларга чек қўйилган.
Хусусан, 285 та ноқонуний газ қуйиш шохобчалари фаолияти тўхтатилган. 12 355 дона маиший газ баллонлари ва 137,7 тонна суюлтирилган газнинг ноқонуний сотилиши олди олинган.
95 тонна суюлтирилган газ ўғирлангани аниқланиб, ҳужжатлар ҳуқуқ-тартибот органларига топширилган.
Масъул идора энергия ресурсларидан ноқонуний фойдаланиш нафақат иқтисодий зарар, балки хавфсизликка ҳам жиддий таҳдид эканини эслатиб ўтган. Маълумот учун, газдан ноқонуний фойдаланиш учун қонунчиликда ҳам маъмурий, ҳам жиноий жавобгарлик белгиланган.
Эслатиб ўтамиз, ўтган биргина ноябрь ойида газ ва электр энергиясидан 133 миллиард сўмлик ноқонуний фойдаланиш ҳолатлари аниқлангани ҳақида хабар берган эдик.
Изоҳлар мавжуд емас