Ўзбекистон, Тошкент - Batafsil.uz. Тошкент метрополитенининг реконструкция қилинган "Чинор" метро бекати 29 июль куни соат 05:00 дан бошлаб яна йўловчиларга хизмат кўрсата бошлайди. Қайта қуриш ишлари якунлангач, бекатнинг ўтказувчанлик қуввати кунлик 15 минг нафардан 35–40 минг нафаргача оширилган.
Маълум қилинишича, реконструкция давомида бекатнинг кириш-чиқиш ҳудудлари кенгайтирилиб, турникетлар сони 6 тадан 13 тага етказилган. Шунингдек, аввал йўловчиларга ноқулайлик туғдирган ўтиш йўлаклари қайта лойиҳалаштирилиб, бекатлар ўртасида тўғридан-тўғри ўтиш имконияти яратилган.
Тошкент метрополитенига кўра, мазкур ишлар Вазирлар Маҳкамасининг 2026 йил 30 апрелдаги йиғилишида берилган топшириқлар ижроси доирасида амалга оширилган. Метрополитен бундан буён ҳам йўловчиларга хавфсиз, қулай ва сифатли хизмат кўрсатиш устувор вазифа бўлиб қолишини таъкидлаган.
Олдинроқ Тошкент метрополитени ҳаракат таркиби учун 3 та янги поезд олиб келинганди.
Изоҳлар мавжуд емас