Ўзбекистон, Тошкент - Batafsil.uz. Ўзбекистон бўйича олий ва касбий таълим муассасаларига қабул имтиҳонларининг сўнгги куни якунланиб, тўпланган баллар асосида таълим йўналишларини танлаш босқичи бошланмоқда.
Ўн кунлик жараёнда режалаштирилган 664 минг 609 нафар номзоддан 610 мингдан зиёди билимини синаб кўрган. Белгиланган тартиб-қоидаларни бузган 70 дан ортиқ иштирокчи имтиҳондан четлатилган.
Бундан ташқари, сўнгги кунда иштирок этиши керак бўлган 45 минг 520 нафар абитуриентдан 45 мингдан ортиғи жараёнда қатнашган. Қувонарлиси, ушбу босқичда ҳеч қандай қоидабузарлик ҳолатлари қайд этилмаган.
Имтиҳон топширган номзадлар 25 июльдан 8 августга қадар 15 кун давомида иккинчи босқич танловида қатнашиш имкониятига эга. Бунда ўқув муассасалари, йўналишлар, устуворликлар ҳамда таълим шаклларини танлаш белгиланган.
Якунда бўлса, ушбу босқич тўлиқ тугаганидан сўнг бир ҳафта ичида талабаликка қабул қилинганларнинг охирги натижалари эълон қилиниши кўзда тутилган.
Олдинроқ Олий таълим, фан ва инновациялар вазирининг тегишли буйруғи билан 2026/2027 ўқув йилида давлат олий таълим ташкилотларида янги ташкил этилган 11 та таълим йўналиши рўйхати ҳамда уларга мос тест синови фанлари мажмуаси тасдиқланган эди.
Изоҳлар мавжуд емас