Ўзбекистон, Тошкент - Batafsil.uz. АҚШ Президенти Дональд Трамп Саудия Арабистони билан имзоланиши кутилаётган ядровий келишувни подшоҳликнинг "Иброҳим келишувлари"га қўшилиши ҳамда Исроил билан муносабатларни тиклашига бевосита боғлиқ эканини маълум қилди.
Жорий йилнинг 22 июль куни АҚШ ва Саудия Арабистони Ар-Риёдга Америка технологиялари асосида ядро реакторларини қуриш ва уранни бойитиш имконини берувчи келишувни эълон қилган.
Қайд этилишича, ушбу битимда БМТнинг тўсатдан ўтказиладиган текширувлари назарда тутилмаган.
Бундан ташқари, Трамп Truth Social тармоғидаги саҳифасида фуқаролик ядровий келишуви фақат ноҳарбий мақсадларга қаратилганини ва Саудия Арабистони "Иброҳим келишувлари"га қўшилган тақдирдагина тўлиқ кучга киришини алоҳида таъкидлаган.
АҚШ ва Исроил сиёсатчилари подшоҳликка берилаётган бундай ён беришларга қарши чиқиб, Саудия фуқаролик лойиҳасидан келажакда ядро қуролини ишлаб чиқишда фойдаланиши мумкинлигидан хавотир билдирмоқда.
Оқ уй матбуот котиби Каролин Левитт АҚШ Саудия Арабистони билан мулоқотни давом эттиришини ва подшоҳлик тез орада "Иброҳим келишувлари"га қўшилишига умид қилаётганини билдирган.
Олдинроқ Туркияда НАТО саммитида иштирок этаётган АҚШ президенти Доналд Трамп Эрон билан тинчлик келишуви бекор қилинганини эълон қилганди
Изоҳлар мавжуд емас