Осиёнинг энг яхши университетлари рейтингида Ўзбекистоннинг 22 олий таълим муассасаси ўрин олди

Ўзбекистон, Тошкент - Batafsil.uz. Жорий йил 4 ноябрь куни QS Quacquarelli Symonds агентлиги томонидан эълон қилинган QS Asia University Rankings 2026 рейтингида Ўзбекистоннинг 22 та университети ўз ўрнини топди. Шулардан 8 таси ўтган йилга нисбатан рейтингини яхшилаган.

Мутахассислар фикрига кўра, бу натижа мамлакатимиз олий таълим тизимида олиб борилаётган ислоҳотлар, шунингдек, халқаро ҳамкорликни кенгайтириш бўйича саъй-ҳаракатларнинг амалий самарасидир. Рейтинг мезонларига илмий салоҳият, халқаро нуфуз, битирувчиларнинг бандлик даражаси, ўқув жараёнининг сифати ҳамда халқаро ҳамкорлик фаолияти киради.

Ўзбекистон ОТМлари QS Asia University Rankings 2026 натижалари:

1. Тошкент ирригация ва қишлоқ хўжалигини механизациялаш муҳандислари институти – 103-ўрин

2. Мирзо Улуғбек номидаги Ўзбекистон Миллий университети – 180-ўрин

3. Тошкент давлат иқтисодиёт университети – 274-ўрин

4. Ислом Каримов номидаги Тошкент давлат техника университети – 301-ўрин

5. Шароф Рашидов номидаги Самарқанд давлат университети – 307-ўрин

6. Муҳаммад ал-Хоразмий номидаги Тошкент ахборот технологиялари университети – 557-ўрин

7. Низомий номидаги Ўзбекистон Миллий педагогика университети – 588-ўрин

8. Тошкент давлат транспорт университети – 602-ўрин

9. Урганч давлат университети – 632-ўрин

10. Тошкент давлат аграр университети – 741–750-ўрин

11. Бердақ номидаги Қорақалпоғистон давлат университети – 801–850-ўрин

12. Фарғона давлат техника университети – 851–900-ўрин

13. Тошкент давлат шарқшунослик университети – 851–900-ўрин

14. Фарғона давлат университети – 901–950-ўрин

15. Қарши давлат университети – 901–950-ўрин

16. Андижон давлат университети – 951–1000-ўрин

17. Наманган давлат техника университети – 951–1000-ўрин

18. Бухоро давлат университети – 1001–1100-ўрин

19. Ғулистон давлат университети – 1001–1100-ўрин

20. Жиззах политехника институти – 1001–1100-ўрин

21. Бухоро давлат техника университети – 1201–1300-ўрин

22. Чирчиқ давлат педагогика университети – 1201–1300-ўрин

Эслатиб ўтамиз, Оксфорд университетининг "Осиё ва Яқин Шарқ тадқиқотлари" факультетида эндиликда ўзбек ва эски ўзбек тиллари ўрганилиши йўлга қўйилганди. Бу ҳақда Президенти администрацияси раҳбари Саида Мирзиёева маълум қилган.