Ўзбекистон, Тошкент – Batafsil.uz. Псков давлат университетида ўқийдиган талабалар Мирзиёевга мурожаат қилиб, уйга қайтишга ва ўқишни Ўзбекистон ОТМларида давом эттиришга ёрдам сўрашмоқда. Уларнинг айтишича, мурожаатга Россиядаги “беқарор вазият” сабаб бўлган. Бу ҳақда мухбиримиз хабар бермоқда.
Ўз мурожаатида талабалар шаҳарда ҳарбий ҳаракатларнинг акс-садолари сезилиши ва Псков чегара яқинида жойлашганлигин айтиб, давлат раҳбаридан ўз ватанларида қайтиш ҳамда шу таълимни Ўзбекистонда олиш имкониятини сўрашган.
Мурожаат пайдо бўлгандан сўнг, турли гуруҳларда таҳсил олаётган чет эллик талабалари мамлакатдаги сиёсий вазият масалаларини муҳокама қилиш учун Россия ички ишлар вазирлиги вакиллари билан учрашувга таклиф қилинган. Учрашув: "Нафрат ва ксенофобия билан бир йўлда эмасмиз", деб номланган. Бундан ташқари, энди хорижлик талабалар Псков давлат университетида ўқиш истаги ҳақида ариза ёзишлари кераклиги маълум бўлган.
Бу Россия ОТМларида таҳсил олаётган Ўзбекистон фуқароларининг президентга қилган биринчи мурожаати эмас. Аввалроқ Курск тиббиёт университети талабалари ҳақида хабар берган эдик, улар ҳам видеомурожаат орқали Шавкат Мирзиёевдан Россия ва Украина ўртасидаги можаронинг авж олишидан қўрқиб, ўқишларини Ўзбекистон ОТМларига ўтказишни сўрашган.
Эслатиб ўтамизки, бир ҳафта олдин Ўзбекистон ҳукумати Россия ОТМларидан ўқишини кўчиришни режалаштираётган талабалардан аризаларни қабул қилиш муддатини 10 кунга узайтиргани маълум бўлди. Давлат тест маркази Курск, Брянск, Белгород, Воронеж, Ростов, Краснодар вилоятлари, Қрим ва Севастополдаги талабаларга ўқишини Ўзбекистонга кўчириш учун ариза топширишга рухсат берди. Буни 30 ноябргача, шу куни ҳам my.dtm.uz.сайти орқали орқали амалга ошириш мумкин.
Ариза топширилгандан сўнг Республика Ташқи ишлар вазирлиги ҳақиқатан ҳам аризаларни юборган талабалар Россия ОТМларида ўқиганми ёки йўқлигини текширади. Бу жараён 15 декабргача давом этади. Талабаларни кўчириш бўйича якуний қарор Олий ва ўрта махсус таълим вазирлиги томонидан қабул қилинади.
Изоҳлар мавжуд емас