Ўзбекистон, Тошкент - Batafsil.uz. Самарқанд шаҳрида бўлиб ўтган халқаро форумда Ўзбекистон Президенти трансмиллий наркотаҳдидлар глобал хавфга айланганини таъкидлади ва унга қарши курашни кучайтиришга чақирди.
Нутқда наркотрафикнинг рақамлашуви, криптовалюталар ва яширин молиявий оқимлар орқали кенгайиб бораётгани, бу эса бутун дунё хавфсизлигига таҳдид солаётгани айтилган. Шу билан бирга, ёшлар орасида синтетик наркотиклар тарқалиши асосий хавф сифатида қайд этилган.
Ўзбекистонда наркотикларга қарши кураш давлат сиёсати даражасига кўтарилгани, жиноятларни аниқлаш ва наркотик моддаларни йўқ қилиш кўрсаткичлари бир неча баробар ошгани маълум қилинган.
Асосий чақириқ сифатида халқаро ҳамкорликни кучайтириш, ягона рақамли ахборот тизими яратиш, молиявий оқимларни қаттиқ назорат қилиш ва синтетик наркотикларга қарши умумий стандартларни жорий этиш таклиф этилган.
Форум якунида қабул қилинадиган Самарқанд декларацияси ушбу йўналишдаги глобал ҳамкорликни янги босқичга олиб чиқиши кутилмоқда.
Изоҳлар мавжуд емас