Ўзбекистон, Тошкент - Batafsil.uz. 4-6 сентябрь кунлари Самарқанд шаҳрида Ёш парламент аъзоларининг XII глобал конференцияси бўлиб ўтади. Унда 183 та давлат, 15 та халқаро ташкилотдан 300 га яқин вакил, шунингдек, 50 га яқин доимий кузатувчилар иштирок этади.
Конференция Ўзбекистон Олий Мажлиси Сенати ва Парламентлараро иттифоқ ҳамкорлигида ташкил этилмоқда. Унинг асосий мавзуси мураккаб даврда инсон ҳуқуқлари, адолат ва инсоний қадр-қимматни тиклаш бўлади.
Иштирокчилар замонавий глобал хатарлар, инсон ҳуқуқларини ҳимоя қилиш, тинчлик ва барқарорликни таъминлаш, шунингдек, Барқарор ривожланиш мақсадларига эришишда ёшларнинг ролини муҳокама қиладилар.
Тадбир доирасида Барқарор ривожланиш мақсадларини амалга оширишда парламентлараро ҳамкорлик бўйича III Глобал форум ҳам ўтказилади. Мазкур платформа ёш парламент аъзоларига тажриба алмашиш, аниқ ташаббусларни илгари суриш ва амалий ҳамкорликни йўлга қўйиш имконини бериши кутилмоқда.
Аввалроқ, Ўзбекистон ва АҚШ парламентлараро алоқаларни, жумладан, икки мамлакат қонун чиқарувчи органлари қўмиталари ўртасидаги ҳамкорликни кенгайтиришга келишиб олгани хабар қилинганди.
Изоҳлар мавжуд емас