Ўзбекистон, Тошкент - Batafsil.uz. Тошкент метрополитенининг 13 та бекатида QR-билетларни нақд пулга сотиб олиш учун кассалар ёпилди.
Қайд этилишича, йўловчиларга қулайлик яратиш ва кассалар олдида навбатларни камайтириш мақсадида Тошкент метрополитенида йўлкира ҳақини тўлашнинг 10 дан ортиқ усуллари жорий этилган. Кассада QR-кодли бир марталик чипта 3000 сўм туради, бошқа усуллар билан тўлов эса 1700 сўмдан бошланади. Натижада йўловчиларнинг аксарияти аллақачон нақд пулсиз тўлов усулларига ўтган.
Илгари йўловчиларнинг 45-50 фоизи QR-билет сотиб олган бўлса, бугунги кунда атиги 6-7 фоизи QR-билет сотиб олмоқда. Бу рақамлаштириш ва нақд пулдан босқичма-босқич воз кечиш натижаси бўлди.
Кузатувлар ва таҳлиллар асосида бир қатор станцияларда кассаларда чипта сотиб олиш сони кескин камайганлиги аниқланди. Шу муносабат билан 13 та метро бекати - "Mирзо Улуғбек," "Халқлар дўстлиги," "Пахтакор," "Ҳамид Oлимжон," "Пушкин," "Дўстлик," "Тошкент," "Ойбек," "Тинчлик," "Шаҳристон," "Бодомзор," "Минор" ва "Абдулла Қодирий" метро бекатлари вестибюлларидаги кассалар ёпилди. Уларнинг ўрнига автоматлаштирилган терминаллар ўрнатилмоқда - ҳозирча тест режимида.
Шу билан бирга, йўловчилар ушбу вестибюлларда АТТО карталари, банк карталари, турли мобил иловалар, шунингдек, кафт орқали тўлов технологияси ва бошқа усуллар ёрдамида тўловларни амалга оширишлари мумкин.
Метрополитен раҳбариятининг таъкидлашича, тўловнинг бундай шакллари йўловчиларга вақтни тежаш, навбатлардан қочиш ва арзонроқ тарифлардан фойдаланиш имконини беради.
Изоҳлар мавжуд емас